منتدى عشاق هيثم

لقد تم ايقاف علبة الدردشه وذلك بأمر من المدير لاسباب خاصه.
نتمنى لكل طلبه قسم اللغة الانكليزيه النجاح والتفوق
D.F.D&D.F.D&D.F.D&D.F.D&D.F.D&D.F.D
الرجاء على كل من يشارك في هذا المنتدى ان يتعهد بأن يصبح هيثمي
القانون فوق الجميع...
نشكر كل الذين يشاركون في بناء وتطوير هذا المنتدى
شكر خاص للهيثمية على مشاركاتها الرائعة
نرحب بكل الزوار ونتمنى ان ينال منتدانا اعجابهم ونتمنى انضمامهم الى اصدقاء عشاق هيثم
love starts with a smile,grows with a kiss, and end with tears.
good friends are like stars you don't always see them,but you know they are always there
اف اف اف اخ اخ اخ
اللهم العن كل من يكره هيثم واحبابه
المدير بكيفه وين يريد يروح يروح وشوكت ميعجبه يجي افتهمت سيدي
على المشاركات الرائعه LILY نشكر المشرفه ونائبة المدير
D.F.D FOREVER

    مانرهم بعد باب الكلب مقفول

    شاطر
    avatar
    أإلهـيثمـيه
    مشرفة

    عدد المساهمات : 777
    تاريخ التسجيل : 29/01/2010

    مانرهم بعد باب الكلب مقفول

    مُساهمة  أإلهـيثمـيه في الأربعاء مايو 05, 2010 8:32 pm

    كالولي نجم ماينلزم بالايد


    وكالولي كمر ينشاف بس بالعيد


    وكالولي عليك هواي


    وعنك سولفولي هواي


    كالولي شجر بس مايصير فياي


    وكالولي نهر بس بيه شحيح الماي


    وكالولي جرح شايل خلك ناطور


    لايغفه ويهيد ولا يهزه الناي


    وكالولي عليك هواي


    وكلت الهم عليك هواي


    ومشيتك بروحي وطفت بيك هواي


    وبدرب الخيال براسي مشيتك


    وطشيتك....ولميتك


    وشديتك....وحليتك


    ولجرحي بتوالي الالم غنيتك


    وسويتك ملح وبنصه ذريتك


    وحولتك دوه ورديت طشيتك


    واحتاريت بيك ودخت واختليت


    لاترهم دوه ولاجرح ثاريتك


    وشكيت بحجيهم كلت ماعرفوك


    وكلت الوصفوك اعتقد مافهموك


    ورديت ويه روحي ردود


    وحطيت الجروح شهود


    وجزيت الوصف وردود رديتك


    وهمت وياك


    وعشت وياك


    واتصورت خامك بعده مامجيوس


    وفصلتك عليه وبيه لفيتك


    وتانيتك


    وسئلوني عليك وكلت حبيتك


    ولاموني..وكلت لا..كل خلل مابيك


    وعاندت اليذمك وانته دنيتك


    ودليتك عليه بكل شي دليتك


    وفهمتك بطبعي وبيه وصيتك


    وتانيتك..وعاشرتك..وباريتك


    وردتك ماي من مر العطش بالروح


    نار اتحولت لمن تنخيتك


    واعتازيت حجيك للجروح ظماد


    بس حجيك ردت جلماتك اعتازيت


    صرت اخرس لمن بجروحي حاجيتك


    وطشيت الاسرار وبسطتهن سوك


    وبثوبي المخيط فتك لاكيتك


    وناديتك ..بدمعي..بحيرتي..بشكواي


    شو تضحك لمن حسيت ناديتك


    وضميت الالم سديت باب الاه


    وخورست الجرح وبصفه بديتك


    وتيهتك وشلتك من سواد العين


    وحته اتلف رسومك دمع صبيتك


    وكمت انساك واتلف ذكرياتي وياك


    ومنك خلصت مدفون عديتك


    وهسه اتذكرتني وجاي يمي ردود


    المن جايني بجذبات حنيتك


    مانرهم بعد باب الكلب مقفول


    لتدك باب جرحه جروحه ناسيتك


    وجزني من الخيال انتهت قصتي وياك


    وانه من انتهيت وياك جزيتك


    انه من انتهيت وياك جزيتك


      الوقت/التاريخ الآن هو الثلاثاء ديسمبر 11, 2018 4:45 pm