شي خرافي اقراها وشوف

لان ماتدري بيه شما كلت معذور
وبكيفك بقت شتريد سميني
ما الوك اعله غيرك بس عليك افصال
اذوبن بيك جن بيدك مسويني
اصبر الروح من يظكها الشوك
وابرد من جمر طاريك يجويني
ولان رسمك بنصها وخفت لاتنباك
شبكتك برمشي وخيطتك بعيني
ياشوغه الروح استاحش بلياك
مدمن عالنوايب فدوه بجيني
عبره بصدري انت ومن كثر مانوح
دمع مو دم احس يجري بشرايني
بهاي اذني الورد من شافك اتعديت
سمعته يكلك من عطرك انطيني
نار وثلج كتلك منهن شتختار
وحدك انت تكدر توجني وتطفيني
طيفك كادني مغمض اروح وياك
نورس تايه وجفك يدليني
وحسب مقياس رختر انت شد زلزال
هز روحي وكدر يكلب موازيني
تهدم صرح كلبي وبرج عمري انهار
وجوى انقاذ روحي انزف تخليني
صار اجم سنه بين الصبر مدفون
محد وصل يمي وكدر يخليني
احس بالروح دكت صافره الانذار
بس مامنتبه لان شوكك ملهيني
وانت المتهم بوصله ظني اتكول
اجذبها وصدك تطلع شمدريني
خبر عاجل متت من رمش نازف شوك
فجر بيه روحي وطشر دليلي
ودكو لافته بلون الثلج عالريح
وثواب اهل الشعر طشو دواويني
ومن سمعت بموتي بليل اجتني الحبيبه
مهدله وي الناس ترثيني
واخر جمله سمعوها على شفتي
بس الموت راح يفرك بينك وبيني
لفضائيه هواك اكبال باب البيت
يحييكم مراسلكم دمع عيني