Naz Nar الإثنين يوليو 12, 2010 11:59 amالسلام عليكم شباب وبنات
موضوعي اليوم هو عن فوائد الحَر
نعم عزيزي المشاهد أو المستمع أو المالك علاقه بس جاي ترد وهاي هيه..
الحَر اللي أكيد معاجبكم...
أله فوائد كلّش حيل كثره وجمّه(حلوه هايه مال جمّه...أگلكم اليوم جمّه لو سبت هههه) ألمهم..
سالفتنه عالحَر..
أي والفوئد هذي يجوز انتو ممنتبهيلهه..بس هيه موجوده وواقعيه...
نتناول البعض منها....بس ديرو بالكم لتغصّون خخخخــ
.
.
.
.
.
.
.
1: الملابس تنشف بسرعه وبوقت قياسي جدا... وهايه أول فايده
2: للمدخّنين...
تدري انته لمّن تدخن والدنيه حارّه ...تلعب نفسك وتحس مالك خلگ..
والجكاره يصير طعمهه مدري شلونه...بالتالي انته تلقائيّا راح تقلل التدخين...
(طبعا ماعدا الحشّاش chronic smoker) هذا متصيرله أي جاره..
3: فوائد صحيّه:
الشمس القويّه تكتل الميكروبات..(الميكروبات مو الميكروباص)..يعني أمراض وعدوى أقل
4: هذا بالأضافه ألى انّه أنّك متنّشل بالصيف...يعني فيكه...ماكو داعي تشتري كلينـــx
5: ..
للوصخين (حشاكم طبعا):
تعرفون الجو الحار يخلي الواحد يعرگ...وبالتالي تطلع من عنده ريحه غير زينه(موزينه) أذا مراح للحمّام فتره طويله راح يسمع بعض الرزايل من الأهل والأصدقاء...
وأكيد بهذي الحاله الواحد لازم يروح للحمّام كالأسد وتصير جهرته شويه مقبوله أمام الملأ..
6: النهار بالصيف يكون أطول..يعني طلعات وسوالف وهمبله النهار كلّه
7:للمتعاجزين:
بالأيام العاديه الواحد يأجل الشغله أذا عنده شغله فد عشرطعش مرّه گبل ميسوّيهه...بس ولكن بالصيف...الدنيه حااااارّه وغصبن عليه يطلع من غبشه كالأسد..حتى ليلوحه الحر...وبالنتيجه أنجاز للمهمّات والألتزامات اليوميه وغير اليوميّه
8: لربّات البيوت أو البنات الي أهلهن سايكين عليهن بالطبخ:
الطبخ والجاي يفور ويخدر بسرعه خياليه(هايه بحالة وجود الغاز لاسمح الله) يعني وانتي مرتاحه أول متخلين الكدر عالنار يصير الأكل..
9: للخبّازات: ماكو داعي بالصيف تنتظر التنور يحمه لأن هوه حامي من كاعه
10: للرومنسيين والشاعريين ومن هالحجي..:
السمه بالصيف تكون صافيه عادةً والنجوم هوايه..وطبيعي ماكو كهرباء.. يعني العاشق ينام فوك السطح..عيني وماكو هيج اجواء رومنسيه والكمر يهلهل ويه الهلاهل مال البنادق بالمواجهات..يعني رومنسيه لأبو موزه
11: على المستوى الأجتماعي العائلي:
بالصيف عادي الجو حار حيل(هايه معلومه عتيكه صارت) فغصبن على الشاب أو البنت أن تبقه كالأسد أو كالأسده بالبيت النهار كلّه..ممّا يؤدّي ألى توطيد العلاقات الأسريه
ومن هذا الحجي كلّه نستمبط الأتي :
حبيبي.....انته مجنّص لأن أكو حر
موضوعي اليوم هو عن فوائد الحَر
نعم عزيزي المشاهد أو المستمع أو المالك علاقه بس جاي ترد وهاي هيه..
الحَر اللي أكيد معاجبكم...
أله فوائد كلّش حيل كثره وجمّه(حلوه هايه مال جمّه...أگلكم اليوم جمّه لو سبت هههه) ألمهم..
سالفتنه عالحَر..
أي والفوئد هذي يجوز انتو ممنتبهيلهه..بس هيه موجوده وواقعيه...
نتناول البعض منها....بس ديرو بالكم لتغصّون خخخخــ
.
.
.
.
.
.
.
1: الملابس تنشف بسرعه وبوقت قياسي جدا... وهايه أول فايده
2: للمدخّنين...
تدري انته لمّن تدخن والدنيه حارّه ...تلعب نفسك وتحس مالك خلگ..
والجكاره يصير طعمهه مدري شلونه...بالتالي انته تلقائيّا راح تقلل التدخين...
(طبعا ماعدا الحشّاش chronic smoker) هذا متصيرله أي جاره..
3: فوائد صحيّه:
الشمس القويّه تكتل الميكروبات..(الميكروبات مو الميكروباص)..يعني أمراض وعدوى أقل
4: هذا بالأضافه ألى انّه أنّك متنّشل بالصيف...يعني فيكه...ماكو داعي تشتري كلينـــx
5: ..
للوصخين (حشاكم طبعا):
تعرفون الجو الحار يخلي الواحد يعرگ...وبالتالي تطلع من عنده ريحه غير زينه(موزينه) أذا مراح للحمّام فتره طويله راح يسمع بعض الرزايل من الأهل والأصدقاء...
وأكيد بهذي الحاله الواحد لازم يروح للحمّام كالأسد وتصير جهرته شويه مقبوله أمام الملأ..
6: النهار بالصيف يكون أطول..يعني طلعات وسوالف وهمبله النهار كلّه
7:للمتعاجزين:
بالأيام العاديه الواحد يأجل الشغله أذا عنده شغله فد عشرطعش مرّه گبل ميسوّيهه...بس ولكن بالصيف...الدنيه حااااارّه وغصبن عليه يطلع من غبشه كالأسد..حتى ليلوحه الحر...وبالنتيجه أنجاز للمهمّات والألتزامات اليوميه وغير اليوميّه
8: لربّات البيوت أو البنات الي أهلهن سايكين عليهن بالطبخ:
الطبخ والجاي يفور ويخدر بسرعه خياليه(هايه بحالة وجود الغاز لاسمح الله) يعني وانتي مرتاحه أول متخلين الكدر عالنار يصير الأكل..
9: للخبّازات: ماكو داعي بالصيف تنتظر التنور يحمه لأن هوه حامي من كاعه
10: للرومنسيين والشاعريين ومن هالحجي..:
السمه بالصيف تكون صافيه عادةً والنجوم هوايه..وطبيعي ماكو كهرباء.. يعني العاشق ينام فوك السطح..عيني وماكو هيج اجواء رومنسيه والكمر يهلهل ويه الهلاهل مال البنادق بالمواجهات..يعني رومنسيه لأبو موزه
11: على المستوى الأجتماعي العائلي:
بالصيف عادي الجو حار حيل(هايه معلومه عتيكه صارت) فغصبن على الشاب أو البنت أن تبقه كالأسد أو كالأسده بالبيت النهار كلّه..ممّا يؤدّي ألى توطيد العلاقات الأسريه
ومن هذا الحجي كلّه نستمبط الأتي :
حبيبي.....انته مجنّص لأن أكو حر
